Bu gün Yeni Azərbaycan Partiyası Yasamal Rayon Təşkilatının sədr müavini, çox hörmətli Elnarə Mustafayevanın 50 illik yubileyidir. Bu əlamətdar gün münasibətilə təşkilatımızın sədri Bəxtiyar Nəbiyev başda olmaqla bütün kollektivimiz adından Elnarə xanımı ürəkdən təbrik edir, ona ən səmimi və xoş arzularımızı çatdırırıq.
Elnarə xanım öz fəaliyyətində dövlətçiliyimizin möhkəmlənməsi, partiyamızın ideya-siyasi xəttinin təbliği və təşkilati işlərin səmərəli şəkildə həyata keçirilməsində xüsusi xidmətləri ilə seçilən fədakar və nümunəvi bir şəxsiyyət kimi tanınır. Onun ictimai-siyasi proseslərdəki fəallığı, gənclərin maarifləndirilməsi və partiya dəyərlərinə sədaqəti daim yüksək qiymətləndirilmişdir.
50 illik ömür yoluna nəzər saldıqda, Elnarə xanımın şəxsiyyətində müdriklik, zəhmətsevərlik, xeyirxahlıq və insanlara qayğı ilə yanaşma kimi dəyərlərin xüsusi yer tutduğunu görürük. Onun nümunəvi həyat tərzi, peşəkarlığı və təşkilati bacarığı həm partiyadaşlarımız, həm də geniş ictimaiyyət üçün örnəkdir.
Bu gün Elnarə Mustafayevanın yubileyi təkcə şəxsi bir bayram deyil, eyni zamanda Yeni Azərbaycan Partiyası Yasamal Rayon Təşkilatı üçün də qürurverici bir gündür. Çünki o, həm öz fəaliyyətində, həm də şəxsi keyfiyyətlərində partiyamızın ideyalarına sədaqəti və dövlətçiliyə bağlılığı ilə seçilir.
Biz inanırıq ki, Elnarə xanım bundan sonra da öz zəngin təcrübəsini, təşkilatçılıq bacarığını və yüksək vətəndaşlıq mövqeyini ölkəmizin inkişafına, partiyamızın möhkəmlənməsinə və cəmiyyətimizin tərəqqisinə xidmət yolunda uğurla davam etdirəcəkdir.
Bu münasibətlə bir daha Elnarə Mustafayevanı təbrik edir, ona möhkəm cansağlığı, uzun ömür, ictimai-siyasi fəaliyyətində yeni-yeni nailiyyətlər arzulayırıq.

YAP Yasamal